Монгол Улсын эрүүл мэндийн салбарт орчин үеийн дэвшилтэт техник, технологиор хангагдсан чанар стандарт аюулгүй байдлыг чандлан мөрдсөн мэргэжлийн өндөр ур чадвар, ёс зүйтэй, үйлчлүүлэгчийг дээдэлсэн хамт олноо төлөөлж мэндчилж байгаадаа баяртай байна.
Манай эмнэлэг 2001 оны 7 дугаар сард анх “Туйплин Шинэ Зууны Эмнэлэг” нэртэйгээр дотрын чиглэлээр 10 ортойгоор байгуулагдсан анхны хувийн эмнэлгүүдийн нэг юм. 2007 онд “Эрин Эмнэлэг” нэртэй байсан ба 2017 оноос “Шинонмед Эмнэлэг” нэртэйгээр 60 ортой, 90 орчим эмч, эмнэлгийн ажилтантай бөөр, хоол боловсруулах, зүрх судас, мэдрэл, дотоод шүүрэл, чих хамар хоолой, эмэгтэйчүүд, бамбай болон хөхний хавдрын чиглэлээр амбулаторийн болон хэвтүүлэн эмчлэх, мэс засал, лабораторын шинжилгээ гээд 20 гаруй төрлийн эмнэлгийн тусламж үйлчилгээг үзүүлж байгаа бөгөөд Монгол Улсын Эрүүл Мэндийн Яамнаас таван удаа магадлан итгэмжлэл авсан.
Манай эмнэлэг нь үйлчлүүлэгч төвтэй, нотолгоонд суурилсан, чанар аюулгүй байдал, стандарт удирдамжийг баримтлан шинжлэх ухааны дэвшилтэт техник, технологийг нэвтрүүлэн бөөр, дотоод шүүрлийн тусламж үйлчилгээг цогцоор нь үзүүлэхийг зорин ажиллаж байна. Цаашид үйлчлүүлэгчдийнхээ тав тухтай орчинг бүрдүүлэн санал хүсэлтийг хүлээн авч үйл ажиллагаандаа тусган ажиллахад бэлэн байна.