Элстэй сувилал

Элстэй сувилал нь Төв аймгийн Эрдэнэ сумын нутагт, Улаанбаатар хотоос 45 км зайд оршдог бөгөөд анх 2002 онд байгуулагдан үйл ажилллагаагаа идэвхтэй явуулж байна. 

Элстэй сувилал нь гүний худаг, халуун ус, душ, боловсон ариун цэврийн байгууламжтай, нэг дор 30 хүнийг хүлээн авах хүчин чадалтай хоолны заал, таван ортой өрөө 5, дөрвөн ортой өрөө 3, 2 ортой өрөө 3, 4-5 ортой гэр зэргээр үйлчилж байна. Нэг ээлжиндээ 50-60 хүн хүлээн авах хүчин чадалтай ба үйлчлүүлэгчдийн тав тухтай нөхцлийг бүрдүүлж элсний гар бөмбөг, сагсны шийд, хүүхдийн элсний талбайг байгуулан ажиллаж байна. Тус сувилал нь элсний болон гүүний саамны эмчилгээ хийдэг бөгөөд эдгээр нь дараах ач холбогдолтой байдаг.

Элсний эмчилгээ нь бөөрний түүдгэнцрийн үрэвсэл, тэвшинцрийн үрэвсэл, давсагны үрэвсэл гэх мэт бөөр шээсний замын  олон төрлийн эмгэгүүд, үе мөчний үрэвсэл, хоолойн ангина, архаг бронхит, рахит буюу хүүхдийн сульдаа өвчин зэргийн үед эмчилгээний өндөр үр дүнтэй байдаг.

Гүүний саам эмчилгээ нь элэгний архаг үрэвсэл, хатуурал, өөхлөлт зэрэг эмгэгийн үед нэлээд ач холбогдолтой эмчилгээ юм. Мөн үүнээс гадна бариа засал, бумба, шарлага, төөнүүр зэрэг гэх мэт эмчилгээг хийж байна. Байгалийн элсийг ашиглан элсэн хучлага эмчилгээг бөөрний нарийн мэргэжлийн эмчийн хяналтан дор өдөрт 1-2 удаа хийдэг.

Эмчилгээ

Үндсэн:

-Элсэн хучлага

-Наран шарлага

-Гүүний саам

-Туйплин эмчилгээ

Бусад:

-Бариа засал

-Бумба

-Төөнүүр

-Шарлага

-Татлага